Alimentos ultraprocesados e risco de morte: así se relacionan

• 29 marzo 2024

É evidente que os alimentos ultraprocesados non son os máis adecuados a nivel de saúde, mais ata que punto é grave o seu consumo? Aumentan o perigo de falecer? Mariña Conde.

A ninguén se lle escapa que unha dieta saudable e equilibrada comeza pola redución dos alimentos ultraprocesados, categoría á que pertencen aqueles produtos que se someten a procedementos industriais e non conteñen ingredientes frescos, senón elevadas doses de edulcorantes, colorantes ou azucres.

En canto aos efectos sobre o risco de morte, ducias de investigacións sinalan ata 32 impactos negativos derivados. Por exemplo, segundo a Universidade de Deakin (Australia), consumir altas cantidades de ultraprocesados aumenta nun 20% o perigo de falecemento por calquera tipo de enfermidade ao incrementar as probabilidades de falecer por patoloxías cardiovasculares (50% máis), así como os trastornos mentais (53%) ou por contraer varios tipos de cancro.

Estes datos son especialmente alarmantes en España, onde, segundo outro estudo da Universidade de São Paulo, un de cada cinco alimentos que levamos á boca pertencen a este grupo, o que nos converte no segundo país mediterráneo con maior porcentaxe, só por detrás de Malta (27,6%).