É certo que sae máis caro enterrar pola mañá?

• 08 marzo 2024

Ultimamente fálase de que aquí en Lugo son máis custosos os enterros de mañá. É verdade? Nicolás Gándara.

Aínda que moita xente pensa que as inhumacións resultan máis caras se se fan polas mañás, o certo é que o momento do día no que se leva a cabo a despedida non é un factor que inflúa á hora de calcular o custe final.

Para chegar a esta contía, é preciso ter en conta dous importes: o que estipula o Concello e o que establece a funeraria. O primeiro é sempre fixo, independentemente da hora á que se realice o enterro. No caso de Lugo, a ordenanza fiscal número 106 (a que recolle as taxas de cada servizo que se desenvolve no cemiterio municipal) ten un apartado sobre os diferentes tipos de inhumacións: nel especifícase que oscilan entre os 24,46 e os 153,57 euros.

Pola outra banda, cada empresa funeraria aplica a súa propia política á hora de estimar as súas tarifas. No caso concreto de Serfuja contemplamos un total de 48 horas para cada servizo, tempo que resulta suficiente no 95% dos casos. Aínda así, como entendemos que non todos os casos son iguais e é necesario valoralos individualmente, adoitamos mostrar certa flexibilidade no caso de requirir máis tempo.