Como é o dó pola morte dun irmán xemelgo?

• 25 abril 2025

Sempre se di que entre os xemelgos existe un vínculo especial. Como afecta isto no dó polo falecemento do outro? César Alvaredo.

Afrontar a morte dun irmán nunca é sinxelo, mais este proceso adoita ser máis agudo no caso da defunción dun xemelgo, xa que o que segue vivo pode ter a sensación, ata certo punto, de que está perdendo unha parte de si mesmo.

É sabido que os irmáns xemelgos están unidos por uns lazos peculiares, que vinculan as súas vidas de xeito moi estreito e especial, tanto a nivel puramente xenético como no que respecta ás experiencias comúns.

Por iso, a morte dun deles pode causar no outro unha crise de identidade, a perda dun apoio incondicional ou, incluso, unha certa sensación de culpa por seguir vivindo sen a persoa falecida.

Aínda que o proceso de dó pode verse acentuado, os mecanismos de apoio son os mesmos que en calquera outro tipo de falecemento: empatía, espazo e tempo, honrar a lembranza do irmán e permitir que a persoa se desafogue cando o precise.