De onde vén a tradición de pechar os ollos e a boca da persoa falecida?

• 17 abril 2026

Hai persoas que morren cos ollos ou a boca abertos, pero logo nos velorios sempre os teñen pechados. Por que se fai iso? Ramón Duarte.

Se ben no pasado se cría que morrer cos ollos abertos era un mal presaxio, agora sábese que se debe aos últimos impulsos previos á morte cerebral e á rixidez posterior, provocada polo chamado rigor mortis.

O peche dos ollos e da boca dun falecido faise por motivos diferentes. No primeiro caso, é unha cuestión estética que se vincula co descanso eterno e coa sensación de calma que transmite o rostro da persoa de cara á súa exposición.

Mentres, a boca péchase por salubridade, xa que o cadáver, durante o proceso de descomposición inmediatamente posterior á morte, libera uns gases cheos de bacterias que poden resultar prexudiciais.

Esta tradición remóntase ao Antigo Exipto, cando se comezou a embalsamar e momificar os corpos dos falecidos para coidalos e darlles un aspecto agradable, especialmente se sufriran algún accidente ou enfermidade que os deformara.