Epitafios: a difícil e profunda arte de gravar un legado

• 09 octubre 2026

Como se elixen as palabras máis axeitadas para resumir a esencia dun ser querido falecido dun epitafio? Lúa González.

Chegar a atopar esas palabras pode ser un acto profundo e complexo porque implica unha reflexión moi persoal nun momento particularmente difícil. E é que a inscrición nunha lápida non é só un gravado en pedra, senón o reflexo dunha vida e a homenaxe eterna dos seus seres queridos.

Adoita combinar datos esenciais da persoa falecida, símbolos de respecto como D.E.P. e elementos visuais, pero o que realmente trascende é esa frase final que define o seu legado. Pode ser unha mensaxe clásica de amor familiar, unha cita poética, ou unha referencia espiritual.

Iso si, un bo epitafio debe ser claro e directo: quedar con ese detalle único que definía a esa persoa e resumilo en poucas palabras, evitando as frases feitas e buscando unha esencia que realmente a represente. Dependendo da personalidade do defunto, pode optarse por un ton solemne, afectuoso… mesmo hai epitafios que arrincan sorrisos con certo toque humorístico. Toda opción escollida pode ser boa se está cargada de simbolismo e significado.