Intelixencia Artificial e dó: unha reflexión ética

• 29 noviembre 2024

A IA está a afectar a distintos campos do noso día a día. Como afecta no dó a recreación da voz ou o rostro das persoas falecidas? Noelia Fraga.

As aplicacións da Intelixencia Artificial son cada vez máis variadas e precisas, ata o punto de que poden chegar a ser controvertidas. Unha delas é a recreación de voces e rostros, tamén con persoas falecidas, o que dá pé a un conflito moral.

Así o destacan distintos expertos e a propia Asociación Americana da Psicoloxía, que fala da importancia de superar o falecemento para poder seguir adiante. Polo tanto, convén non recorrer á IA se o que se pretende é adiar de xeito crónico o afrontamento da realidade.

Deste xeito, o problema non está na propia Intelixencia Artificial senón no uso que nós fagamos desa tecnoloxía: se se cingue a momentos puntuais, coma un homenaxe na despedida, e se fai de xeito consciente e voluntario non debería supoñer nada negativo. O problema vén cando se emprega a IA como estratexia para evitar aceptar a realidade.

Ademais, esta aplicación da IA ten outros riscos, como a posible alteración da memoria e a imaxe que se ten da persoa falecida ou que a xente se confunda e pense que está a falar realmente con ese ser querido.