É legal que me enterren coa miña mascota?

• 11 abril 2025

Un amigo que lle ten moito cariño ao seu can díxome que lle gustaría ser enterrado con el. É posible? Mónica Grande.

Esta cuestión foi evolucionando moito co paso do tempo: no Antigo Exipto, algúns faraóns pedían ser acompañados polas súas mascotas no seu traxecto ao outro mundo. Pero, hoxe en día, existe un control moito maior.

En Galicia, o punto de partida é o decreto sobre sanitaria mortuoria, que se encarga de regular todo o que ten que ver coa cuestión funeraria dende a protección da saúde pública. Ao mesmo tempo, vemos como van xurdindo iniciativas coma a construción de cemiterios específicos para mascotas.

Para os amantes incondicionais dos animais, existen alternativas coas que poder estar preto dos nosos compañeiros na eternidade. Por exemplo, pódese incinerar á mascota e manifestar, mediante o testamento, a vontade de que a urna cos seus restos sexa colocada no mesmo nicho que o noso ataúde ou urna, sen que supoña ningún tipo de risco ou impacto a nivel sanitario.