Que significa soñar coa morte?

• 02 mayo 2025

No último mes soñei un par de noites coa morte, tanto propia como dalgún ser querido. Como podo interpretar estes soños? Alfonso Guerra.

Os soños coa morte son máis habituais do que se cre e, aínda que poden resultar desconcertantes, non hai que tomalos de xeito literal, senón como algo simbólico.

Hai quen din que estas experiencias oníricas deben interpretarse como o final dunha etapa vital, xa sexa a nivel sentimental, laboral ou en calquera outro ámbito persoal, pero tamén poden existir outras interpretacións.

Así, estes soños poden reflectir un proceso de transformación interna, é dicir, o desexo que a persoa ten de cambiar certos aspectos da súa vida. Tamén cabe entendelos como unha válvula de escape dos nosos medos máis profundos, en moitos casos vinculados á posibilidade da perda dalgún ser querido.

Por último, outra interpretación habitual é a da renovación: segundo persoas entendidas na interpretación dos soños, estas escenas poden provocar en quen as visualiza unha necesidade de redefinir os seus obxectivos e buscar unha revitalización.