Volver á terra: alternativas ecolóxicas para o descanso final

• 16 octubre 2026

Lin recentemente un artigo sobre funerais ecolóxicos e quería saber que posibilidades hai para reducir a pegada neste proceso. Paula García.

Nos últimos anos a preocupación polo medio ambiente tamén ten o seu impacto no ámbito funerario. Así, é unha realidade que a demanda das despedidas sostibles deixou de ser unha tendencia minoritaria para converterse nunha petición cada vez máis frecuente, xa que esta alternativa permite despedir os nosos seres queridos reducindo ao máximo a pegada sobre o medioambiente, ao tempo que se fomenta o respecto pola natureza. En moitas ocasións, tamén é unha mostra de consideración por quen tivo unha vida marcada por este compromiso.

As opcións pasan, por exemplo, por empregar urnas biodegradables para as cinzas, que están elaboradas con materiais totalmente naturais e decoradas con pinturas a auga, e mesmo moitas inclúen hoxe en día sementes no seu interior, transformando a morte en nova vida vexetal.

Tamén existen ataúdes ecolóxicos, elaborados en materiais reciclados sen tratamentos químicos previos que se degradan na terra nun período de 6 a 12 meses. Outra posibilidade é a da hidrólise alcalina, un método limpo que acelera a descomposición natural do corpo e que diminúe o impacto ambiental fronte á cremación tradicional. Porén, esta alternativa non está autorizada nin en España nin na maioría de países polo momento.