As despedidas hoxe: menos xente e pésame dixital

• 02 octubre 2026

Ultimamente vexo que os funerais xa non son o que eran e que reúnen moita menos xente. Estamos a perder o sentido de comunidade? Miguel Valverde.

As despedidas evolucionan a medida que o fai a propia sociedade, por iso en moitas ocasións semella que estamos a desprazarnos dos actos públicos multitudinarios a versión máis íntimas e con menos xente.

É unha tendencia que tamén vemos á marxe do eido funerario e que dende o punto de vista sociolóxico se coñece como privatización do dó, que se caracteriza por que, fronte á rixidez tradicional e o loito rigoroso de antano, hoxe a xente expresa a súa dor de forma máis libre, heteroxénea e flexible.

En paralelo a isto e tamén froito da evolución da nosa sociedade, a dixitalización foi gañando protagonismo e empeza a ser cada vez máis habitual que unha mensaxe de WhatsApp ou unha videochamada sexan xa substitutos plenamente aceptados para acompañar desde a distancia.

Polo tanto, podemos entender que as despedidas hoxe son máis persoais ca nunca e que atenden aos cambios constantes da sociedade, apoiando e acompañando desde a empatía e respectando estes novos círculos reducidos.