
Como se dá de baixa na Seguridade Social a unha persoa falecida?
Un amigo acaba de sufrir a perda de seu pai, que era pensionista. Que pasos ten que seguir para dalo de baixa na Seguridade Social? Mateo Gil.
A morte dun ser querido trae moita dor, pero tamén trámites legais que supoñen un crebacabezas. Un deles é a comunicación da baixa na Seguridade Social no caso das persoas pensionistas, que deben informar das variacións da súa situación persoal ou económica.
Aínda que a administración e o Ministerio de Xustiza están en contacto, se os familiares queren asegurarse de que este procedemento se realiza correctamente deben achegar o certificado de defunción a calquera oficina da entidade nun prazo de 30 días dende o falecemento.
Cómpre ter en conta que o ingreso da pensión correspondente a ese mes realizarase integramente. No caso de ter percibido algunha prestación da Seguridade Social de xeito irregular, a administración pode esixir a súa devolución.
A morte dun familiar pensionista pode dar dereito á parella ou aos fillos a percibir outras prestacións, como a de viuvez ou orfandade. En Serfuja ofrecemos un servizo de asesoría posmortem para axudarche a xestionar este tipo de procedementos, nada agradables en momentos así de duros.