En que consiste o testamento pechado?

• 30 mayo 2025

O contido do testamento debe ser sempre posto en coñecemento dun notario ou de terceiras persoas? Alejandra Barbeira.

Se ben o xeito máis habitual de realizar un testamento vital é compartindo o seu contido cun notario para que sexa este profesional o rexistre de forma oficial, existe unha variante que se coñece como testamento pechado e que está regulada entre os artigos 706 e 715 do Código Civil.

Consiste en entregarlle as últimas vontades ao notario nun sobre xa pechado, ou ben pechalo diante del, coa finalidade de que ninguén poida coñecelas antes do falecemento da persoa. O texto, xa sexa escrito a man ou impreso, debe especificar a data na que foi redactado e ir asinado, garantindo sempre que se entenda con claridade todo o que nel está indicado.

Pode facer un testamento pechado calquera persoa maior de 14 anos, sempre que saiba ler e escribir e que estea en pleno uso das súas facultades intelectuais.