Por que os exipcios momificaban os mortos?

• 08 mayo 2026

Sempre me chamou a atención o Antigo Exipto, especialmente polas momias. Cal é o motivo desta práctica funeraria? Aurelia Bande.

Tras a figura das momias, popularizada no último século grazas sobre todo ao cine, agóchase unha tradición funeraria que procede do Antigo Exipto e que está moi vinculada coa súa crenza na vida despois da morte.

Nesta cultura pensábase que a alma non podía sobrevivir sen o corpo, polo que era imprescindible conservar este último para acadar a eternidade. Logo de observar como algúns cadáveres se conservaban de xeito natural na area do deserto, os exipcios comezaron a desenvolver técnicas artificiais para evitar a descomposición, encamiñándose así cara ao procedemento da momificación.

Ademais, para facilitar que a alma e o corpo se mantiveran unidos despois da morte, decorábanse as tumbas e colocábanse obxectos persoais para orientar á persoa defunta á hora de reencontrar esas dúas dimensións.

O mito de Osiris, deus da mitoloxía exipcia que morreu e resucitou, reforzou a idea de que a vida podía continuar tras o falecemento se se lograba preservar o corpo.