Que ocorre se alguén morre durante un proceso xudicial?

• 15 mayo 2026

Os xuízos poden prolongarse moito no tempo. Que sucede se unha das partes implicadas falece? Claudia Maneiro.

Podería pensarse que, se unha persoa involucrada nun xuízo falece, este remata. Nada máis lonxe da realidade: esta situación dá pé a máis procedementos legais que poden retrasar o ditame final e xerar un contexto de incertidume.

É o que se coñece como sucesión procesual: as persoas herdeiras poden decidir se queren ocupar o lugar do falecido e seguir defendendo os seus intereses e asumindo as súas obrigas. Por suposto, deben acreditar previamente tanto a morte como a súa condición de sucesoras.

Se optan por non facelo ou se, directamente, non son identificadas ou localizadas, o caso pode arquivarse ou continuar en rebeldía, é dicir, sen a súa participación.

Dende un punto de vista práctico, é unha situación difícil, xa que o proceso pode prolongarse, complicarse e xerar dúbidas legais e económicas tanto aos avogados como aos seres queridos da persoa falecida.