Que son as estelas funerarias?

• 18 abril 2025

Algunha vez oín falar da importancia das estelas funerarias ao longo da historia. Que son e por que naceron? Alejandro Balboa.

Os cemiterios, ademais do compoñente humano innegable que teñen, tamén son espazos dunha enorme riqueza cultural, con elementos arquitectónicos ou escultóricos de gran valor artístico e histórico.

Entre eles están as estelas funerarias, monumentos xeralmente feitos en pedra que ao longo dos séculos se empregaron para conmemorar as vidas das persoas defuntas, de xeito que hoxe ofrecen moita información relevante sobre civilizacións ou sociedades anteriores.

Trátase de estruturas verticais que inclúen os datos persoais do falecido ao que acompañan e outros mensaxes para honrar a súa memoria. O seu uso foi habitual entre os exipcios, romanos ou gregos, tanto para identificar o lugar onde se enterraba alguén como para subliñar a súa posición social.

Para os historiadores son moi importantes, xa que ofrecen datos vencellados aos modos de vida de cada época, as crenzas relixiosas ou os ritos funerarios, entre outras cuestións.