Cal é a orixe do costume de “dar o pésame”?

• 21 noviembre 2025

Unha das expresións máis habituais para amosar as condolencias pola morte de alguén é o “pésame”, pero de onde vén este costume? Carolina Bermúdez.

A expresión “darlle o pésame a alguén” reflicte a intención de amosar compaixón pola situación de alguén que perdeu un ser querido ao tempo que lle indicamos que compartimos o “peso” desa perda.

Aínda que este concepto está totalmente normalizado e forma parte do noso día a día, o certo é que a súa orixe é incerta. Así, aínda que existen exemplos en obras medievais da utilización da palabra “pésame” como verbo, non é ata o século XVI cando se atopan as primeiras evidencias do seu uso como substantivo, tal e como o coñecemos hoxe.

Porén, tamén hai quen o relaciona cunha práctica habitual do ámbito funerario, como son os libros de condolencias. Neles, as persoas asistentes ao velorio teñen a posibilidade de escribir mensaxes de ánimo e apoio á familia, algo que moitos aproveitan para asumir como propia esa dor e, deste xeito, transmitir esa idea do “peso” compartido.