O negro como cor do loito, obriga legal en España varios séculos

• 26 mayo 2023

Por que se emprega a cor negra para expresar o loito polo falecemento dunha persoa? Raúl García

A vinculación da cor negra coa morte é unha tradición que mesmo chegou a ser unha obriga legal durante varios séculos en España. Así, en 1502 os Reis Católicos promulgaron un conxunto de leis, chamadas “Pragmática de Loito e Cera” que, entre outras normas, establecían o negro como símbolo de loito na indumentaria, unha directriz que foi minguando co paso do tempo.

En canto ás orixes desta tradición, existen diversas teorías que a explican: dende o costume xudeu de ennegrecer a cara con cinzas ou pó para facela irrecoñecible para a morte ata a expresión de pena e dor, pasando pola vontade de simbolizar a ausencia de luz ou pola superstición dalgunhas tribus ancestrais que crían que pintarse de negro axudaría a evitar que a alma das persoas falecidas saíra do corpo do defunto e se introducirá no de alguén vivo.

Hoxe en día, aínda que o costume de vestir de negro durante varios meses logo do falecemento dun ser querido foise perdendo, o respecto pola persoa falecida séguese amosando co uso maioritario de roupas escuras nos velorios ou nas cerimonias de enterramento.