Por que os cadáveres presentan unha cor distinta á que teñen as persoas en vida?

• 10 febrero 2023

Cal é a razón pola que o corpo dunha persoa defunta vai adquirindo distintas tonalidades? Pablo García

Este fenómeno débese ao que se coñece como ‘livor mortis’ ou livideces cadavéricas, que é o conxunto de cambios que se dan na coloración da pel nas horas posteriores á morte a raíz da paralización da actividade cardíaca que implica todo falecemento.

Así, ao deterse o normal funcionamento do corazón, prodúcese unha contracción vascular que provoca que se free a circulación do sangue, de xeito que este líquido queda sometido ás forzas da gravidade. Deste modo, o sangue tende a concentrarse nas zonas máis pendentes do corpo, onde se produce unha distensión dos capilares, que é o que provoca que na pel aparezan esas manchas de cor vermello violáceo, que a cotío teñen forma de placas.

Estas placas, que inicialmente se van formando de xeito illado e que presentan un aspecto bastante homoxéneo, van confluíndo ata cobrar unha maior intensidade, de xeito que ás dúas ou tres horas do falecemento xa se van apreciando dun xeito máis visible, Aínda así, a aparición das primeiras livideces xa se produce unha media hora despois do deceso.