O dó na adolescencia: así afecta a morte nesta etapa vital

• 16 enero 2026

A adolescencia é un momento complexo, no que se dan moitos cambios físicos e mentais. É o dó diferente nestas idades? Celia Blázquez.

A adolescencia supón un proceso de evolución no que se deixa atrás a infancia e no que se pretende unha maior independencia, circunstancias que afectan á maneira de xestionar un falecemento próximo.

Así, nesta idade prodúcense cambios de personalidade, polo que a identificación cos ideais dunha persoa falecida que se toma como referente poden moldear o carácter do ou da adolescente, influíndo de xeito claro no proceso de dó.

Outro efecto da morte nos adolescentes pode ser a aceleración da maduración. É posible que a perda os leve a asumir responsabilidades ás que non deberían ter que enfrontarse aos seus anos. Isto pode axudarlles a mellorar a súa capacidade de xestión de situacións negativas, pero tamén pode desencadear patoloxías ou problemas psicolóxicos.

Como é lóxico, a xestión do dó tamén vai depender da persoa falecida e do grao de relación que o adolescente teña con ela: non é o mesmo afrontar a defunción dun avó cá dun pai ou nai ou a dun amigo ou irmán.